சாமை மல்லி சாதம்

தேவையான பொருட்கள்

சாமை அரிசி - 2 குவளை
நல்லெண்ணெய் - 2 மே.கரண்டி
ஏலக்காய் - 2 எண்ணிக்கை
பட்டை - சிறிது
கொத்தமல்லி - 1 கட்டு
புதினா - 3 கொத்து
மிளகாய் - 3 எண்ணிக்கை
இஞ்சி - சிறிது
பூண்டு - 10 பல்
உப்பு - தேவையான அளவு

செய்முறை

கொத்தமல்லி, புதினா, மிளகாய், இஞ்சி, பூண்டு சேர்த்து விழுதாக அரைத்துக் கொள்ளவும். சூடான எண்ணெயில் ஏலக்காய், பட்டை, கிராம்பு தாளித்து அரைத்த விழுதை சேர்த்து சுருண்டு வரும்வரை வதக்கவும்.

அதனுடன் கழுவி நீரை வடித்த சாமை அரிசியை சேர்த்து வறுத்துக் கொண்டு, 4 குவளை நீர் சேர்த்து வேக விடவும்.