அவல் பேரிச்சை லட்டு

தேவையான பொருட்கள்

மெல்லிய அவல் - 1 கப்
பேரிச்சை - 10
வெல்லம் - 3/4 கப்
ஏலக்காய்த்தூள் - 1/2 தேக்கரண்டி
துருவிய பாதாம் / முந்திரி - 2 தேக்கரண்டி
உலர் திராட்சை - 15
தேங்காய்த்துருவல் - 1/4 கப்

செய்முறை

1. அவலை தண்ணீரில் அலசி கழுவி, பிழிந்து எடுத்துக் கொள்ளவும்.

2. பேரிச்சம்பழத்தையும், உலர் திராட்சையையும் பொடியாக நறுக்கிக் கொள்ளவும்.

3. வெல்லத்தை துருவிக் கொள்ளவும்.

4. தேங்காய்த் துருவலை லேசாக வறுத்துக் கொள்ளவும்.

5. அவல், பொடியாக நறுக்கிய பேரிட்சம்பழம், உலர்திராட்சை, வெல்லம், தேங்காய்துருவல், ஏலக்காய்த்தூள் அனைத்தையும் ஒன்றாகச் சேர்த்து பிசைந்து சிறு சிறு உருண்டைகளாக உருட்டிக் கொள்ளவும். சுவையான அவல் பேரிட்சை லட்டு தயார்.