Whatsapp Like Button

வாட்ஸ் அப் - ல் லைக் பட்டன் வசதி வழங்கப்பட உள்ளதாக தகவல் வெளியாகியுள்ளது. அதேப்போல் கணினி பதிப்பான வாட்ஸ் அப் வெப் - ம் தற்போது மேம்படுத்தப்பட்டுள்ளது.
செல்பேசியில் பயன்படுத்தும் வாட்ஸ் அப் செயலி மூலம் எழுத்து, படம், காணொளி ஆகிய வடிவில் செய்திகளை அனுப்பலாம்.
இது தற்போது உலகளவில் அதிகமாக பயன்படுத்தப்படும் செய்தி தொடர்பு செயலியாக ஸ்மார்ட் போன்களில் வலம் வருகிறது.
கடந்த ஜனவரி மாதம் முதல், வாட்ஸ் அப் செயலியானது கணினியில் பயன்படுத்தக்கூடிய வசதியை வழங்கியது. ஆனால், செல்பேசியில் உள்ள வசதிகள் அனைத்தும் கணினி பதிப்பில் பயன்படுத்த முடியாத நிலையில் இருந்தது.
தற்போது, வாட்ஸ் அப் தனது கணினி பதிப்பை மேம்படுத்தியுள்ளது.
அதன் படி, ஸ்டேடஸ் மாற்றலாம், ஃப்ரபைல் படத்தை மாற்றியமைக்கலாம். அரட்டையை நீக்கலாம், ஆவணப்படுத்தலாம், குழுவை நிர்வகிக்கலாம்.
வாட்ஸ் அப்பில் லைக் பட்டன்
கூடுதல் தகவலாக, வாட்ஸ் அப்பில் பார்த்து படித்த செய்தியை படிக்காததாக குறிக்கவும் வகையில் வசதிகளை மேம்படுத்த உள்ளதாக கூறப்படுகிறது. அதேப்போல், லைக் பட்டன் வசதியையும் வழங்க உள்ளதாகவும் கூறப்படுகிறது.

பெண்களுக்கு இணையதள கல்வி : கூகிளின் புதிய திட்டம் தொடக்கம்

-----------------------------------------
இந்திய கிராமப்புற பெண்கள் இடையே இணையதள விழிப்புணர்வை ஏற்படுத்த கூகிள் நிறுவனம் திட்டமிட்டுள்ளது. முதற்கட்டமாக உத்தரப் பிரதேச மாநிலத்தில் உள்ள கிராம பெண்களுக்கு இணையதள கல்வியை வழங்கும் திட்டத்தை அந்நிறுவனம் தொடங்கியுள்ளது. இணையதளத்தை எப்படி பயன்படுத்துவது என்றும், இதனால் கிடைக்கும் பயன்கள் குறித்தும் பெண்களுக்கு சொல்லித் தரப்படும் என்றும் கூகிள் நிறுவன இயக்குனர் சந்தீப் மேனன் தெரிவித்தார். கிராமப்புறங்களை சேர்ந்த 5 லட்சம் பெண்களுக்கும், மாணவிகளுக்கும் இணையதள கல்வி அடுத்த 2 மாதங்களுக்கு வழங்கப்படும் என்றும் அவர் கூறினார்.

புத்தகத்துக்கு குட்பை

புத்தகத்துக்கு குட்பை : கணினி மூலம் மாணவர்களுக்கு கல்வி புதிய திட்டம் துவக்கம்
------------------------------------------------------
பெங்களூரு: கர்நாடக மாநில அரசு பள்ளிகளில் படிக்கும் மாணவ, மாணவிகளுக்கு புத்தகம் இல்லாமல் கணினி மூலம் பாடம் நடத்தும் புதிய திட்டத்தை கல்வி இயக்குனரகம் மேற்கொண்டுள்ளது. பொதுவாக அரசு பள்ளிகளில் தரமான கல்வி கிடைப்பதில்லை என்பதால், வசதிப்படைத்தவர்கள் தொடங்கி கூலி வேலை செய்வோர் வரை தங்கள் பிள்ளைகளை தனியார் பள்ளியில் படிக்க வைக்கிறார்கள்.
நகரபுறங்களில் மட்டுமே இருந்த இக்கலாச்சாரம், தற்போது ஊரக பகுதியிலும் வேரூன்றி உள்ளது. அரசு பள்ளிகளுக்கு மாணவர் சேர்க்கை குறைவாக இருப்பதால், நடப்பு கல்வியாண்டில் 3 ஆயிரத்து 173 கன்னட பள்ளிகளை மூடிவிட அரசு முடிவு செய்தது. இதற்கு பல தரப்பில் கடும் எதிர்ப்பு கிளம்பியதை தொடர்ந்து, பள்ளிகளை மூடும் முடிவு தற்காலிகமாக ஒத்திவைக்கப்பட்டுள்ளது.

Computer knowledge - kerala first

இந்தியாவில் கணினி அறிவில் கேரளா முதலிடம்!
--------------------------------------------------
கொச்சி: இந்திய அளவில் கணினி கல்வி பெற்ற மாநிலங்களின் பட்டியலில் கேரளா முதல் இடத்தில் உள்ளது. கேரளாவில் 49% குடும்பங்களில் வீட்டிற்கு ஒருவர் கணினி கல்வி பயின்றவராக உள்ளார். கடந்த வாரம் வெளியான 2014 ஆம் ஆண்டிற்கான கல்வி அறிக்கையில் கல்வி சார்ந்த பல முக்கிய விவரங்கள் வெளியிடப்பட்ட்து. இதன்படி, இந்தியாவில் 22 சதவீத குடும்பங்களில் வீட்டிற்கு ஒருவர் கணினி கல்வி பயின்றவராக உள்ளனர்.
மாநில அளவில் 49 சதவீதத்தினர், அதாவது 39.17 லட்சம் குடும்பங்களில் ஒருவருக்கு கணினி அறிவு இருப்பதால் கேரளா கணினி கல்வியறிவில் நாட்டின் முதன்மை மாநிலமாக விளங்குகிறது. கேரளாவை அடுத்து பஞ்சாப், சிக்கிம் மாநிலங்கள் 47% மற்றும் 43% பெற்று அடுத்தடுத்த இடத்தை பெற்றுள்ளன.
கேரளாவில் 97 சதவீத கிராமங்கள் ஒவ்வொன்றிலும் இண்டர்நெட் மையங்கள் உள்ளது குறிப்பிடத்தக்கது.

விரைவில் மைக்ரோசாப்ட் நிறுவனம் விண்டோஸ் 10

மேக் ஓஎஸ், லினக்ஸ் என பல இயங்குதளங்கள் இருந்தாலும் பெருவாரியான மக்கள் பயன்படுத்துவது மைக்ரோசாப்ட்-டின் விண்டோஸ் இயங்குதளத்தைதான்.

மைக்ரோசாப்ட் வெளியிட்ட விண்டோஸ் 8.1 பதிப்பு பெரும்பாலான பயனர்களை திருப்தி படுத்தவில்லை. அதனால் விரைவில் மைக்ரோசாப்ட் நிறுவனம் தனது அடுத்த படைப்பான விண்டோஸ் 10 ஓ.எஸ்-ஐ வெளியிடவுள்ளது.

இதற்கான அனைத்து வேலைகளும் மும்முரமாக நடந்து கொண்டிருப்பதாக அந்நிறுவனம் தெரிவித்துள்ளது. மேலும் இந்த ஓஎஸ் மார்க்கெட்டில் பெரும் வெற்றி அடையும் எனவும் எதிர்பார்க்கப்படுகிறது

நிக்ஸான் சிகாஹோவில் நடந்த நிறுவனத்தின் சந்திப்பில் மைக்ரோசாப்ட் நிறுவன அதிகாரி ஜெர்ரி நிக்ஸன் மற்றும் டெவலப்பர் ஈவன்ஜெலிஸ்ட் "விண்டோஸ் 10 இந்த ஓ.எஸ்-ன் இறுதி பதிப்பு, இதற்கான வேலைகள் இது வரை மும்முரமாக நடந்து கொண்டிருக்கிறது" என்று கூறினர்.

அத்துடன் விண்டோசின் புதிய சிறப்பம்சங்கள் குறித்தும் தெரிவித்தனர்.

நிறுவனம் ஏற்கனவே உள்ள விண்டோஸ்-ஐ மேம்படுத்தப்பட்டதாக உருவாக்கி கொண்டிருக்கிறது. உதாரணமாக start மெனு மற்றும் செயலிகள்(apps) துரிதமாக செயல்படும் வண்ணம் தனித்தனியாக மேம்படுத்தப்படுகிறது.

இதனால் விண்டோஸ் 10 மேம்படுத்தப்பட்ட பதிப்பாக சிறந்த முறையில் வரும் என உறுதி அளித்துள்ளது

விண்டோஸ் 10 கணினி, மொபைல், டேப்லட், HoloLens, மற்றும் Xbox One போன்றவைகளில் வெளியிடப்படும் என எதிர்பார்க்கப்படுகிறது. தற்போது இது பரிசோதனை கட்டத்தில் (Testing Stage) உள்ளது.

Thanx-Techmalar.com

கூகிள் மேப் – ல் இந்திய ரயில்வே கால அட்டவணைகள்

உலகமெங்கும் உள்ள பல தகவல்களை விரல் நுனியில் அறிந்து கொள்ள இணைய தளங்கள் பல சேவைகளை வழங்கி வருகின்றன. அவற்றில் கூகிள் வழங்கும் இலவச சேவைகள் மகத்தானவை.

அந்த வகையில் வீட்டில் இருந்து கொண்டே நாம் செல்ல வேண்டிய இடத்திற்கான மொத்த கிலோ மீட்டர் மற்றும் அதன் வழிகள் மற்றும் பல தகவல்கள் தெரிந்து கொள்ளும் உதவுவது கூகிள் மேப் https://maps.google.co.in/ இணையதளம்.

வெளியூரோ, உள்ளூரோ... பயணம் செய்யும் பெரும்பாலானவருக்கு இது பயனுள்ள ஒன்று. மொபைலில் GPS ஆன் செய்து கொண்டே கூகிள் மேப் உதவியுடன் நாம் விரும்பும் இடத்திற்கு செல்ல முடியும். உங்களில் பலரும் அதனை பயன்படுத்தி இருப்பீர்கள்.

தற்போது கூகிள் நிறுவனம் இதில் கூடுதலாக இந்திய ரயில்வேயில் உள்ள 12000 ரயிலின் கால அட்டவணைகளை கூகிள் மேப்-ல் அப்டேட் செய்துள்ளது. எந்த ரயில் எத்தனை மணிக்கு எந்த ஸ்டேசனுக்கு வரும்? எத்தனை மணிக்கு வரும்? சென்றடையும்? என எல்லா விபரங்களையும் காண முடியும்.

அகமதாபாத், பெங்களூர், சென்னை, ஐதராபாத், கொல்கத்தா, மும்பை, டெல்லி மற்றும் புனே போன்ற 8 இந்திய நகரங்களில் பப்ளிக் டிரான்ஸ்போர்ட் தகவல்களை அப்டேட் செய்துள்ளது.

கூகிள் ட்ரான்சிட் (Google Transit) http://google.comtransit/ தளத்திற்கு சென்று புறப்படும் இடம், செல்லும் இடம் கொடுத்து பயன்படுத்தி பாருங்கள். கூகிள் மேப்-ன் கூடுதல் அம்சமான இது நமது பயணத்தை எளிதாக்கும் என்பதில் ஐயமில்லை.

கூகிள் மேப் தற்போது வரை உலக அளவில் 2,800 நகரங்களில் உள்ள 1 மில்லியன் நிறுத்தங்களுக்கான பப்ளிக் டிரான்ஸ்போர்ட் கால அட்டவணைகளை அப்டேட் செய்துள்ளது. இதில் நியூயார்க், டோக்கியோ, லண்டன் மற்றும் சிட்னி போன்றவை அடங்கும்.

Thanks : Techmalar.com

பேஸ்புக் தேடல் எந்திரம்...

வரப் போகிறதா...? கூகிளுக்கு போட்டியாக பேஸ்புக் தேடல் எந்திரம்...

கூகிள் நிறுவனம் பல சேவைகளை வழங்கி வந்தாலும் தேடல் எந்திரம்தான் (Search Engine) அவர்களின் அடிப்படை. யாகூ, பிங் என தேடல் எந்திரங்கள் போட்டி போட்டாலும் கூகிளை அசைக்க முடியவில்லை.

பேஸ்புக் தேடல் எந்திரம் துவக்கலாம் என்பது நீண்ட காலமாக வதந்தியாகவே இருக்கிறது. இப்போது அந்த வதந்திக்கு வலு சேர்க்கும் மற்றொரு தகவல்.

பேஸ்புக் சில IOS (Apple IPhone) பயனர்களுக்கு, Status, Photo/Video போடுவது போன்று "Add Link" என புதியதொரு வசதியை சோதனை முயற்சியாக வழங்கி உள்ளது.

இந்த வசதி மூலம் பயனர்கள் பேஸ்புக் உள்ளேயே வேண்டியவற்றை தேடி முடிவுகளை நாம் இடும் ஸ்டேடஸ்-களில் இணைத்துக் கொள்ள முடியும்.

இந்த வசதி அமெரிக்காவில் உள்ள சில பயனர்களுக்கு மட்டும் சோதனைக்காக வழங்கப்பட்டு உள்ளதாகவும், மேலும் படிப்படியாக எனைவருக்கும் வழங்கப்படும் எனவும் பேஸ்புக் அறிவித்து உள்ளது.

தேடல் முடிவுகளை தங்களிடம் பகிரப்பட்டு (Share) உள்ள 1 டிரில்லியன் பக்கங்களில் இருந்து வழங்குவதாக கூறி உள்ளனர்.

இது பேஸ்புக் தேடல் எந்திரத்திற்கான முன்னோட்டமா? என இணைய வல்லுனர்கள் கேள்வி எழுப்புகின்றனர்.

கூகிள் தேடல் எந்திரம் நிரலிகளால் தானியங்கியாக செயல்படுவது. பேஸ்புக் தேடல் எந்திரம் அளித்தால் தங்களிடம் ஷேர் செய்யப்பட்ட, லைக் செய்யப்பட்ட இணைய பக்கங்களில் இருந்து முடிவை காட்டுவார்கள். அது கூகிளை விட மேம்பட்டதாக, துல்லியமானதாக இருக்கும் என கணிக்கப்படுகிறது.

கூகிளே சிறப்பாகத்தான் உள்ளது. பேஸ்புக் தேடல் எந்திரம் வந்தால் இணையம் மேலும் பயனுள்ளதாகும். எளிமையாகும்.

Thanx : techmalar.com

வருகிறது ஸ்மார்ட் வாட்ச்கள்

ஸ்மார்ட் போன்-கள் பிரபலமாகிவிட்ட நிலையில் அடுத்து மெதுவாக பரவலாகி வருகிறது ஸ்மார்ட் வாட்ச்கள்.

கால் செய்வது, ஈமெயில், பேஸ்புக் பார்ப்பது, உங்கள் பிட்னஸ்-ஐ டிராக் செய்வது, இசையை ரசிக்க என பல்வேறு உபயோகங்களுடன் ஸ்மார்ட் வாட்ச்கள் வெளியாகி வருகின்றன.

அந்த வகையில் Asus நிறுவனம் VivoWatch என்ற ஸ்மார்ட் வாட்ச் ஒன்றை வெளியிட்டுள்ளது. ஸ்டைன்லெஸ் ஸ்டீலால் ஆன, டச் வசதி கொண்ட இந்த வாட்ச் ஆண்டிராயிட் இயங்குதளத்தை அடிப்படையாக கொண்டு இயங்குகிறது. இதில் உள்ள லைட் சென்சார் brightness அளவுகளை பல்வேறு லைட்டிங் கன்டிசனுக்கு ஏற்றார் போல் தானாக கட்டுப் படுத்துகிறது.

தினசரி ஆக்டிவாக எவ்வளவு நேரம் இருக்கிறீர்கள், ஓய்வு நிலை எவ்வளவு நேரம். தோராயமாக எவ்வளவு கலோரிகள் செலவழிக்கிறீர்கள், உங்கள் உறங்கும் நேரம் போன்றவற்றை கண்காணித்து பிட்னஸ் மானிட்டராக, உங்களை பிட்டாக வைத்துக் கொள்ள இந்த வாட்ச் உதவும். இது ஹாட் ரேட் சென்சாருடன் வருகிறது.

பார்ப்பதற்கு அழகாக உள்ள இந்த வாட்ச் பயன்படுத்த எளிமையாக இருக்கும் வண்ணம் வடிவமைக்கப்பட்டு உள்ளது. முக்கிய அம்சமாக இதன் பேட்டரி திறன் அதிகம். அதாவது இதன் சார்ஜ் 10 நாட்கள் வரை நிலைத்து நிற்க கூடியவை.

இது இன்னும் இந்தியாவில் வெளியாகவில்லை. இதன் விலை சுமாராக ரூ 9,700 இருக்கலாம் என்று ஊகிக்கப் படுகிறது. ப்ளிப்கார்ட் தளத்தில் விற்பனைக்கு வரும் என எதிர்பார்க்கப் படுகிறது.

Thanx : Techmalar.com

Tamil computer Tips-5

ஆன்ட்ராய்ட் அப்ளிகேஷன் மற்றும் விளையாட்டு அப்ளிகேஷன்களை கணினியில் இயக்க

தற்போது மொபைல் தொழில்நுட்பத்தின் புரட்சி ஆன்ட்ராய்ட்  மொபைல் இயங்குதளம் ஆகும். இந்த ஆன்ட்ராய்ட் மொபைல் இயங்குதளம் தற்போது கூகுள் வசம் உள்ளது. ஆன்ட்ராய்ட் இயங்குதளத்தில் செயல்படும் வகையில் லட்சகணக்கான அப்ளிகேஷன்களும் மற்றும் விளையாட்டு அப்ளிகேஷன்கள் ஆன்ட்ராய்ட் சந்தையில் கிடைக்கிறது. இதனை நாம் இலவசமாகவும் மற்றும் விலைகொடுத்து வாங்கியும் பயன்படுத்திக்கொள்ள முடியும். இவ்வாறு உள்ள அப்ளிகேஷன்களை ஆன்ட்ராய்ட் இயங்குதளம் கொண்ட சாதனங்களில் மட்டுமே பயன்படுத்த முடியும். இதனை கணினியில் இயக்க வழி இருக்கிறதா என்றால் கண்டிப்பாக வழி உண்டு. இதற்கு BLUESTACKS என்னும் மென்பொருள் உதவி செய்கிறது.

மென்பொருளை தரவிறக்க சுட்டி

மென்பொருளை இணையத்தில் இருந்து பதிவிறக்கி கணினியில் நிறுவவும். இணைய இணைப்பு இருந்தால் மட்டுமே இந்த மென்பொருளை கணினியில் முழுமையாக நிறுவ முடியும். 

இந்த மென்பொருள் விண்டோஸ் எக்ஸ்பி, விஸ்டா, ஏழு மற்றும் எட்டு ஆகிய இயங்குதளங்களில் இயங்கும். மேலும் மேக் இயங்குதளத்திற்கும் இந்த மென்பொருள் இருக்கிறது. BLUESTACKS மென்பொருளை கணினியில் முழுதாக நிறுவியவுடன் ஒரு முறை கணினியை மறுதொடக்கம் செய்து கொண்டு BLUESTACKS அப்ளிகேஷனை ஒப்பன் செய்யவும்.

பின் தேடு சுட்டியை அழுத்தி எந்த மென்பொருள் வேண்டுமோ அதை தேடி பின் கணினியில் உள்ள BLUESTACKS அப்ளிகேஷன் உள்ளே நிறுவிக்கொள்ள முடியும். 

இந்த BLUESTACKS அப்ளிகேஷனில் மேலும் ஒரு வசதி உள்ளது, ஆன்ட்ராய்ட் இயங்குதளம் கொண்ட மொபைல் சாதனத்தை இதனுடன் இணைத்துக்கொள்ள முடியும். இதற்கு Setting ஐகானை அழுத்தி தோன்றும் விண்டோவில் Cloud Connect என்பதை தேர்வு செய்யவும்.

அடுத்து தோன்றும் விண்டோவில் Yes என்னும் ஆப்ஷன் பட்டியை  தேர்வு செய்து Next எனும் பொத்தானை அழுத்தவும்.

அடுத்து தோன்றும் விண்டோவில் மின்னஞ்சல் முகவரி மற்றும் தொலைபேசி எண்னை உள்ளிட்டு Register எனும் பொத்தானை அழுத்தவும். 

அடுத்து வரும் விண்டோவில் பின் நம்பர் வரும் அதை குறித்து வைத்துக்கொள்ளவும். பின் ஆன்ட்ராய்ட் மொபைல் போனில் Play Store னை ஒப்பன் செய்யவும்.

அடுத்து தோன்றும் விண்டோவில் BlueStacks Cloud Connect என்று உள்ளிட்டு தேடவும். வரும் முடியும் குறிப்பிட்ட மென்பொருளை ஆன்ட்ராய்ட் மென்பொருளில் நிறுவிக்கொள்ளவும்.

பின் BlueStacks அப்ளிகேஷனை ஒப்பன் செய்யவும். அதில் அந்த பின் என்னை குறிப்பிட்டு Login பொத்தானை அழுத்தவும். 

சிறிது நேரம் கழித்து ஒரு விண்டோ ஒப்பன் ஆகும். அதில் மொபைல் போனில் உள்ள எந்தெந்த அப்ளிகேஷன்களை கணினியில் உள்ள BlueStack அப்ளிகேஷனுடன் இணைக்க வேண்டுமோ அதை தேர்வு செய்து பின் Sync என்னும் பொத்தானை அழுத்தவும். 

மொபைல் போனில் இணைய இணைப்பு வேகமாக இருந்தால் விரைவாக பதிவேற்றம் ஆகும். 

அடுத்து கணினியில் BlueStacks அப்ளிகேஷனை ஒப்பன் செய்யவும். ஒப்பன் செய்தவுடன். மொபைல் போன் மற்றும் கணினி இரண்டிலும் இணைய இணைப்பு இருக்கும் பட்சத்தில் மொபைல் போனில் உள்ள அப்ளிகேஷன்கள் அனைத்தும் கணினியில் உள்ள BlueStack அப்ளிகேஷனில் ஒரு நகல் இருக்கும். 

மொபைல் போனில் உள்ள அப்ளிகேஷன்களை இப்போது கணினியிலும் எளிதாக பயன்படுத்திக்கொள்ள முடியும்.

Tamil computer Tips-4

VMware workstation & VirtualBox- ஒரு பார்வை

VMware workstation & VirtualBox பற்றி சிலருக்கு தெருந்திருப்பினும் பலருக்கு இதை பற்றி தெரிந்திருக்க வாய்ப்பில்லை இதை பற்றிதான் இந்த பதிவில் பார்க்க இருகிறோம். VMware workstation என்பது மாயை வன்பொருள்களை ஏற்படுத்தி அவற்றின் உதவியுடன் இயங்குதளத்தை நிறுவி பார்க்க உதவும் மென்பொருள் ஆகும். புதியதாக இயங்குதளங்களை நிறுவ ஆசைபடும் கணினி வல்லுனர்களுக்கு இந்த மென்பொருள் ஒரு வரப்பிரசாதம். மேலும் மாணவர்கள் பலருக்கு தங்களுடைய கணினில் ஒன்றுக்கு மேற்பட்ட இயங்குதளங்களை தாங்கள் கணினியில் நிறுவி பயன்படுத்த வேண்டும் என்ற ஆசை இருக்கும். ஆனால் அவர்களுடைய கணினி அதனை ஆதரிக்க கூடியதாக இருக்காது. இந்த சூழ்நிலையில் இந்த மென்பொருளை பயன்படுத்தி பல்வேறு இயங்குதளங்களை தாங்கள் கணினியில் நிறுவி பயன்படுத்த முடியும்.

மேலும் மாணவர்களுக்கு இயங்குதளங்களை நிறுவ பயிற்ச்சி அளிக்கும் போது இந்த மென்பொருள்களை பயன்படுத்தி எளிமையாக பயிற்ச்சி அளிக்க முடியும்.

VMware workstation பதிவிறக்க சுட்டி

VirtualBox பதிவிறக்க சுட்டி

சுட்டியில் குறிப்பிட்டுள்ள தளங்களுக்கு சென்று மென்பொருள்களை தரவிறக்கி கணினியில் நிறுவிக்கொள்ளவும். இதில் VirtualBox ஒப்பன் சோர்ஸ் மென்பொருள் ஆகும் எனவே இது இலவசமாக கிடைக்கிறது. ஆனால் VMware பணம் செலுத்தினால் மட்டுமே முழுமையாக பெற முடியும். இதில் VMware Workstation யை எவ்வாறு பயன்படுத்துவது என்று பார்ப்போம்.

முதலில் இந்த அப்ளிகேஷனை ஒப்பன் செய்யவும். பின் படத்தில் குறிப்பிட்டுள்ளவாறு செய்யவும்.

 

 

நீங்கள் வழக்கம்போல் கணினில் இயங்குதளத்தை நிறுவி அதற்குள்ளும் மென்பொருள்களை நிறுவி பயன்படுத்த முடியும். இந்த முறைமையை பயன்படுத்தி லினக்ஸ் இயங்குதளங்களையும் நிறுவ முடியும். பயன்படுத்தி பாருங்கள் அருமையான மென்பொருள். இந்த மென்பொருள்களை பயன்படுத்தி நமது தேவைகேற்ப எத்தனை இயங்குதளங்களை வேண்டுமெனினும் நிறுவி பயன்படுத்த முடியும். ஒரு அளவிற்கு மேல் சென்றால் கணினி மந்தமாக செயல்பட தொடங்கிவிடும்.

Tamil computer Tips-3

MP3 கோப்புகளுக்கு படங்களை இணைக்க

இணையத்தில் இருந்து பதிவிறக்கம் செய்யும் MP3 பாடல்கள் அந்தந்த குறிப்பிட்ட தளம் மற்றும் திரைப்படத்தின் படம் இணைக்கப்பட்டிருக்கும். இதனை நாம் ஆடியோவினை கேட்கும் போது படத்தினை காண முடியும். குறிப்பிட்ட ஆடியோ டேக் படத்தினை நாம் விரும்பியவாறு மாற்றியமைத்துக்கொள்ள முடியும். இதற்கு ஒரு இலவச மென்பொருள் வழிவகை செய்கிறது.

மென்பொருளை தரவிறக்க சுட்டி

மென்பொருளை இணையத்தில் இருந்து பதிவிறக்கி கணினியில் நிறுவிக்கொள்ளவும். பின் Mp32tag அப்ளிகேஷனை ஒப்பன் செய்யவும். தோன்றும் விண்டோவில் File மெனு பொத்தானை அழுத்தி Add directory யை தேர்வு செய்யவும்.

பின் தோன்றும் விண்டோவில் குறிப்பிட்ட பாடல்களில் தொகுப்பு கோப்பறையை தேர்வு செய்யவும். பின் அனைத்து பாடல்களும் பட்டியலிடப்படும்.

பின் எந்த பாடலோ அதனை மட்டும் தேர்வு செய்யவும். பின் Extended Tags ஐகானை கிளிக் செய்யவும்.

அடுத்ததாக தோன்றும் விண்டோவில் Add cover பொத்தானை அழுத்தி குறிப்பிட்ட படத்தை தேர்வு செய்து பின் OK பொத்தானை அழுத்தவும்.

குறிப்பிட்ட பாடலுக்கு நீங்கள் தெரிவு செய்த படம் செட் செய்யப்பட்டு இருக்கும். அந்த படம் குறிப்பிட்ட பாடலுக்கு செட் செய்து சேமிக்கப்பட்டுவிட்டது என்ற செய்தி தோன்றும்.

பின் குறிப்பிட்ட படமானது நீங்கள் குறிப்பிட்ட MP3 பாடலுக்கு செட் செய்யப்பட்டிருக்கும்.

Tamil computer Tips-2

ஆன்ட்ராய்ட் அப்ளிகேஷன்களை கூகுள் பிளே ஸ்டோரிலிருந்து கணினியில் பதிவிறக்கம் செய்ய

கூகுள் பிளே ஸ்டோரில் உள்ள அப்ளிகேஷன்களை நேரடியாக கணினியில் பதிவிறக்கம் செய்வது எவ்வாறு என்று ஏற்கனவே எழுதியிருந்தேன் . அது ஒரு மென்பொருள் உதவியுடன் பதிவிறம் செய்வது ஆகும். ஆனால் இந்த முறைமையானது ஆன்லைன் உதவியுடன் ஆன்ட்ராய்ட் அப்ளிகேஷனை பதிவிறக்கம் செய்வது எவ்வாறு என பார்ப்போம். ஆன்ட்ராய்ட் பற்றியோ கூகுள் பிளே ஸ்டோர் பற்றியோ பெரிய முன்னுரை தேவையில்லை என்று நினைக்கிறேன்.

ஆன்ட்ராய்ட் என்பது கூகுள் நிறுவனத்தின் மொபைல்/டேப் களுக்கான இயங்குதளம் ஆகும். இந்த இயங்குதளத்தில் இயங்கும் அப்ளிகேஷன்களுக்கென ஒரு சந்தையினை உருவாக்கியது அதற்கு பெயர் தான் பிளேஸ்டோர் ஆகும். இச்சந்தையில் தற்போது கூகுள் நிறுவனத்தின் சோதனைக்குட்பட்ட மென்பொருள்கள் மட்டுமே உள்ளன.

கூகுள் பிளே ஸ்டோரில் இருக்கும் அப்ளிகேஷன்களை நாம் நேரிடையாக கணினியில் பதிவிறக்கம் செய்ய முடியாது. ஆன்ட்ராய்ட் இயங்குதளம் நிறுவப்பட்ட மொபைல் சாதனம் மற்றும் டேப்  லிருந்து மட்டுமே ஆன்ட்ராய்ட் அப்ளிகேஷன்களை பதிவிறக்கம் செய்ய முடியும்.

கூகுள்பிளேஸ்டோரில் இருக்கும் அப்ளிகேஷன்களை கணினியில் பதிவிறக்கம் செய்ய ஒரு தளம்  உதவி செய்கிறது.

தளத்திற்கான சுட்டி 

எந்த அப்ளிகேஷனை பதிவிறக்கம் செய்ய வேண்டுமோ அதற்கு குறிப்பிட்ட அப்ளிகேஷனின் URL முகவரி கண்டிப்பாக வேண்டும். URL முகவரியினை பெற பிளேஸ்டோர் சென்று குறிப்பிட்ட அப்ளிகேஷனின் முகவரியினை பெற்றுவிட முடியும்.

சுட்டியில் குறிப்பிட்ட தளத்திற்கு சென்று, குறிப்பிட்ட அப்ளிகேஷனின் முகவரியை (url) குறிப்பிட்டு பின் Generate Download Link என்னும் பொத்தானை அழுத்தவும். சில நொடிகளில் பதிவிறக்கம் செய்வதற்கான சுட்டி கிடைக்கும் அதை பயன்படுத்தி கணினியில் பதிவிறக்கம் செய்து கொள்ள முடியும்.

கணினியில் தரவிறக்கம் செய்யும் ஆன்ட்ராய்ட் மென்பொருள்களை வழக்கம்போல் ஆன்ட்ராய்ட் சாதனங்களில் பயன்படுத்திக்கொள்ள முடியும்.

Tamil computer Tips-1

யூடுப் வீடியோக்களை கன்வெர்ட் செய்ய இரண்டு தளங்கள்

யூடுப் தளத்தின் உதவியுடன் அனைத்து விதமான வீடியோக்களையும் காண முடியும். இந்த தளத்தின் உரிமை தற்போது கூகுள் வசம் உள்ளது. கூகுள் கணக்கு வைத்திருப்பவர்கள் அனைவருமே இந்த யூடுப் தளத்த்தில் வீடியோக்களை பதிவேற்றம் செய்ய முடியும். மேலும் கருத்துரை மற்றும் விருப்பம் போன்றவைகளையும் குறிப்பிட்ட விடியோக்களுக்கு தெரிவிக்க முடியும். மேலும் ஒரு சில வீடியோக்களை காண வேண்டுமெனில் பயனர் கணக்கு கண்டிப்பாக அவசியம். ஒரு சில வீடியோக்களை பயனர் கணக்கு இல்லாமல் காணவோ தரவிறக்கம் செய்யவோ முடியாது. இதுபோன்ற சூழ்நிலையில் வீடியோக்களை தரவிறக்கம் செய்யவும். கன்வெர்ட் செய்யவும் இணையத்தில் ஒருசில தளங்கள் உதவி செய்கிறன.

தளத்திற்கான சுட்டி 1 

தளத்திற்கான சுட்டி 2

சுட்டியில் குறிபிட்ட தளத்திற்கு சென்று குறிபிட்ட வீடியோவின் முகவரியினை (URL) உள்ளிட்டு பின் வீடியோவினை வேண்டிய பார்மெட்டில் பதிவிறக்கம் செய்து கொள்ள முடியும். நேரிடையாக வீடியோவினை பதிவேற்றம் செய்தும் கன்வெர்ட் செய்து கொள்ள முடியும்.

பதிவிறக்கம் செய்யும் போது QR கோடும் பதிவிறக்கம் செய்வதற்கான இணைப்பில் இருக்கும் அதனை பயன்படுத்தியும் பதிவிறக்கம் செய்து கொள்ள முடியும். யூடுப் வீடியோக்களை வேண்டிய பார்மெட்டில் கன்வெர்ட் செய்து கொள்ள இந்த தளங்கள் உதவி செய்கிறன.