யூடியூப் தளத்தை தன் படத்தின் பப்ளிசிட்டிக்கு எப்படி பயன்படுத்துவது என்பதை தனுஷ் தெளிவாக தெரிந்து வைத்திருக்கிறார். அவரது கொலவெறி பாடல் உலக அளவில் பேசப்பட்டதற்கு அப்பாடலை யூடியூபில் வெளியிட்டதே காரணம்.
அதன் பிறகு தன் ஒவ்வொரு படத்தின் டீசர், டிரைலர், சிங்கிள் ட்ராக் என எதுவாக இருந்தாலும் யூடியூபிலேயே வெளியிடுகிறார். அவரின் 25வது படமான வேலையில்லா பட்டதாரி படத்தின் வெற்றிக்கும் இந்த அணுகுமுறையே அடிப்படையான காரணமாக அமைந்தது.
2014 ஆம் ஆண்டின் உண்மையான வெற்றிப்படம் வேலையில்லா பட்டதாரி படம்தான். கடந்த வருடம் ஜூன் 17ஆம் தேதி வேலையில்லா பட்டதாரி படத்தின் டிரைலர் யூடியூபில் வெளியிடப்பட்டது. அந்த டிரைலருக்கு ரசிகர்கள் மத்தியில் ஏகோபித்த வரவேற்பு கிடைத்தது.
அப்படத்திற்குக் கிடைத்த மிகப்பெரிய ஓபனிங்கிற்கு இந்த டிரைலரும் ஒரு காரணம். விஐபி டிரைலரை இந்த ஒரு வருட காலத்தில் இதுவரை 30 லட்சம் பேர் கண்டுகளித்துள்ளார்கள்.
விஐபி படம் செய்த சாதனையை தனுஷ் நடிப்பில் வரும் 17ஆம் தேதி வெளியாகவிருக்கும் மாரி படம் முறியடித்திருக்கிறது. விஐபியின் ஒரு வருடத்தின் சாதனையை இரண்டே வாரத்தில் முறியடித்திருக்கிறது மாரி டிரைலர்.
ஜூன் 25ஆம் தேதி யூடியூபில் வெளியான மாரி டிரைலரை இதுவரை 30 லட்சத்திற்கும் மேற்பட்டவர்கள் கண்டுகளித்துள்ளனர். தனுஷ் படங்களின் டீஸர்/டிரைலரைப் பொறுத்தவரை இதுவே அதிகபட்ச எண்ணிக்கை. முதல்முறையாக 30 லட்சம் என்ற மைல்கல்லையும் எட்டியிருக்கிறார் தனுஷ்.
No comments :
Post a Comment